Jæja þá höfum við opnað fyrir umsóknir á nýjan leik hjá okkur.
Í þetta skipti eru nokkrar dagsetningar í janúar og sömuleiðis ein dagsetning á milli jóla og nýárs!
Eins og kom fram í síðustu færslu hjá mér þá hefur bættist við nýr þjálfunarskrokkur hjá okkur í nóvember. Hún Alexandra Sif eða Ale.
Áður en hún kom hafði ég einungis náð að opna fyrir umsóknir tvisvar á árinu, en með hennar aðstoð höfum við saman tök á opna oftar, enda er alltaf gaman að kynnast fleirum, kenna þeim heilbrigðan lífstíl og að fá að skrokkavæða landann!
Þessa elsku hef ég þjálfað frá grunni og gleymi ég aldrei þegar litla hokna og feimna stelpa hoppaði úr klæðunum fyrir mælingu og við mér blasti þetta litla granna mitti. Síðan þá hefur hún aldeilis náð öfga góðum árangri á árinu sem er að líða, ég er því solt að segja frá því að hún hefur nú klárað einkaþjálfarann og mun því taka mun meiri þátt í þjálfuninni.
Í haust tók hún mjög stórt stökk og færði sig úr módelfitness yfir í fitness, vann hún þar sinn flokk og er því Bikarmeistari í fitness. Þegar hún keppti úti á Arnold var ég svo æst við tölvuna að ég var nánast mætt á fæðingardeildina að fæða Ísabellu framm í tímann, en í þetta skipti var ég svo heppin að fá að upplifa þessa tilfinningaríku stund með litla skrokkabarninu mínu, þvílík gleði, enda hennar fyrsti sigur og vel að honum komin, alveg óæþægilega öguð og dugleg þessi stelpa!
Síðan hún byrjaði í þjálfun hefur hún náð svo miklum árangri með sjálfa sig að ég er öfga ánægð með að fá hana í lið með okkur. Hún er sjálf búin að fara langan veg með sjálfa sig og það eru ófáar stelpurnar sem minnast á hana í umsóknunum, að þær vilji verða eins og hún og því ekki að leyfa henni að svara því sjálf hvernig hún gerði þetta :)
Við erum hrikalega gott team og gæti ég því ekki verið ánægðari, hún er bara rétt að stíga sín fyrstu spor í bransanum enda einungis 23 ára stelpan og verður því spennandi að fylgjast með því sömuleiðis.
Og svo Alexandra daginn eftir Bikarmótið núna í nóvember.
